ദേവാലയങ്ങൾ അടഞ്ഞാലും നിലയ്ക്കാത്ത ഓശാനവിളികൾ

-

ലോകം മുഴുവനുമുള്ള ക്രൈസ്തവർ വിശുദ്ധ വാരത്തിലേക്ക് കടന്നു. ദേവാലയത്തിലെ ഭക്തിപൂർവ്വമായ തിരുക്കർമ്മങ്ങൾക്കും വിശുദ്ധ ബലിയ്ക്കുമിശേഷം കൈകളിൽ കുരുത്തോലകളുമേന്തി, ആബാലവൃദ്ധം ക്രൈസ്തവ വിശ്വാസികൾ ആഹ്ലാദം നിറഞ്ഞ മനസ്സുമായി ഭവനങ്ങളിലേക്ക് കൊണ്ടുപോയി പൂജ്യമായ സ്ഥലത്ത് കുരുത്തോലകൾ പ്രതിഷ്ഠിക്കുന്ന നാളുകൾ മനസ്സിലെ നനവുള്ള നിലവുകൾ മാത്രമായി... 

സ്വന്തം ഉമ്മറത്തിൻറെ വാതിൽപ്പടികൾ ലക്ഷ്മണരേഖയാക്കി വിശ്വാസികൾ നീറുന്ന വേദനയോടെ നെഞ്ചുരുകി ഈ ദിവസങ്ങളിൽ പ്രാർത്ഥിച്ചു 'ഓശാന'... 

'ഓശാന' എന്ന പദത്തിന്റെയർത്ഥം തന്നെ 'കർത്താവേ ഞങ്ങളെ രക്ഷിക്കണമേ' എന്നാണല്ലോ. മുൻവർഷങ്ങളിൽ ഓശാനത്തിരുനാൾ പലർക്കുമൊരു  അനുഷ്ഠാനമായിരുന്നെങ്കിൽ ഇക്കൊല്ലം അത് ഹൃദയത്തിന്റെ ഒരു നിലവിളിപ്രാർഥനയായിത്തന്നെ പരിണമിച്ചു. ഒന്നുകൂടി വ്യക്തമായി പറഞ്ഞാൽ കുരുത്തോലകളും ദിവ്യബലിയും പ്രത്യക്ഷത്തിൽ ഓശാനനാളിൽ വിശ്വാസിക്ക് അനുഭവവേദ്യമായില്ലെങ്കിലും, ഓശാനയുടെ ആന്തരാർത്ഥം അറിയാതെയാണെങ്കിലും ക്രൈസ്തവന്റെ ഹൃദയത്തിൽ നിന്നുയർന്നു...   

വിശ്വാസികളില്ലാതെ ശൂന്യമായ ദേവാലയവും, ദേവാലയത്തിൽ എത്തുവാൻ മനസ്സുകൊണ്ടാഗ്രഹിച്ചെങ്കിലും സാധിക്കാതെ മുൻവർഷങ്ങളേക്കാൾ പതിമടങ്ങ് തീക്ഷ്ണതയോടെ നീറുന്ന മനസ്സുകളുമായി സ്വഭവനത്തിലിരുന്ന് പ്രാർത്ഥിച്ച് ദൃശ്യ-ശ്രാവ്യ മാധ്യമങ്ങൾ വഴി ദാഹത്തോടെ വിശുദ്ധ ബലിയിൽ പങ്കുകൊണ്ട ക്രൈസ്തവരും; കർത്താവിന്റെയും മാലാഖവൃന്ദങ്ങളുടെയും സാന്നിധ്യത്തിൽ കുരുത്തോല കൈകളിലേന്തി തങ്ങളുടെ അജഗണങ്ങൾക്കുവേണ്ടി നെടുവീർപ്പിട്ട് മനസ്സുരുകി പ്രാർത്ഥിച്ചു ബലിയർപ്പിച്ച കർത്താവിന്റെ പുരോഹിതരും; ആശുപത്രി കിടക്കകളിലും വീടുകളിലുമായി ഹൃദയത്തിൽ ഓശാന വിളി ഏറ്റെടുത്ത രോഗികളും, കർത്താവിന്റെ കരങ്ങളായി പ്രവർത്തിക്കുന്ന നഴ്സുമാരും ഡോക്ടർമാരും, രോഗീശുശ്രൂഷകരും സന്നദ്ധസംഘടനാംഗങ്ങളും,ഭരണാധികാരികളും അറിഞ്ഞോ അറിയാതെയോ തങ്ങളുടെ ഹൃദയത്തിൽ വിളിക്കുന്നു ഓശാന...                                          

കർത്താവേ രക്ഷിക്കേണമേ...       

മർതൃരായ ഞങ്ങളെ  രക്ഷിക്കേണമേ ....  

അങ്ങനെ പതിമടങ്ങ് തീഷ്ണതയോടെ, പ്രാർത്ഥനയോടെ ഈ വിശുദ്ധവാരം നമുക്കാചരിക്കാം... 

നമ്മുടെ വേദനകളെ കർത്താവിന്റെ കുരിശോടു ചേർത്തുവയ്ക്കാം... 

 ഒടുവിൽ ഒരു ഈസ്റ്ററനുഭവം  നൽകി കർത്താവ് നമ്മെ അനുഗ്രഹിക്കട്ടെ ....

ഒത്തിരി സ്നേഹത്തോടെ .....

✍️ ഫാ. ജോമോൻ ചവർപ്പുഴയിൽ സി. എം. ഐ


Please follow and subscribe to the Youtube channel:  https://www.youtube.com/user/Jomon2cmi


Comments

Post a Comment

Popular posts from this blog

കണ്ണീർക്കയത്തിലേക്കുള്ള നിലയ്ക്കാത്ത കാരുണ്യപ്രവാഹം!

-
Image
                 കേരളക്കരയെ കണ്ണീരിലാഴ്ത്തിയ ഏതാനും ദിവസങ്ങളായിരുന്നല്ലോ കടന്നുപോയത്. നെയ്തു കൂട്ടിയ സ്വപ്നങ്ങൾ മാത്രമല്ല അനേകം പേരുടെ ജീവനും ജീവിതങ്ങളും കവർന്നെടുത്ത വയനാട്ടിലെ പ്രകൃതിദുരന്തത്തെക്കുറിച്ച് നിറഞ്ഞ മിഴികളോടെയല്ലാതെ ആർക്കും പറയാനോ ശ്രവിക്കുവാനോ സാധിക്കുകയില്ല എന്നതാണ് സത്യം. ഒരു രാത്രിയിലെ ഏതാനും മിനിറ്റുകൾ കൊണ്ട് സകലതും തട്ടിയെടുത്ത ഈ പ്രകൃതിദുരന്തം സമാനതകളില്ലാതെ കേരളം കണ്ട മഹാദുരന്തം തന്നെ...                ഈ ദുരന്തം പോലെ തന്നെ  പ്രത്യാശയോടെ,  കരുതലോടെ വീണ്ടും ജീവിക്കാൻ ഉൾക്കരുത്ത് നൽകുന്ന ഒത്തിരിയേറെ ഹൃദയം തുടിപ്പിക്കുന്ന കാഴ്ചകൾക്കും നമ്മുടെ ഈ കൊച്ചു കേരളം  ഈ നാളുകളിൽ  സാക്ഷ്യം വഹിച്ചു എന്നതും എടുത്തു പറയേണ്ട യാഥാർത്ഥ്യമാണ്.  അലട്ടിക്കൊണ്ടിരിക്കുന്ന സങ്കീർണ്ണ പ്രശ്നങ്ങളെ സങ്കീർത്തനങ്ങളാക്കി മാറ്റുവാൻ തങ്ങളെ തന്നെ മറന്നു ഉദാരമായി പ്രവർത്തിച്ചവരെ നാം ഒരിക്കലും മറന്നുകൂടായെന്ന് മാത്രമല്ല അത് മലയാളികളുടെ ഒരു പൊൻതൂവ ലാ യി എന്നും നിലനിൽക്കും എന്നതിന് ...
Read more

തളിർത്തുലയേണ്ട ജീവിതം തളർന്നുതാഴുന്നുവോ?

-
Image
 കേ രളം സാക്ഷരതയുടെയും, ആരോഗ്യമേഖലയുടെയുമൊക്കെ സ്ഥാനത്തിൽ ഭാരതത്തിൽ ഒന്നാമതാണെന്ന് അഭിമാനിക്കുമ്പോഴും മലയാളി ശിരസ്സു കുനിക്കേണ്ട ചില മേഖലകൾ കൂടിയുണ്ടെന്നത് വിസ്മരിക്കാനാവാത്ത യാഥാർത്ഥ്യം തന്നെ.അമിത മദ്യപാനസക്തിയുടെ കാര്യത്തിലും, ലഹരി മരുന്നുകളുടെ ഉപയോഗത്തിലും, വിവാഹമോചനങ്ങളുടെ വർദ്ധനയിലും, ആത്മഹത്യകളുടെ എണ്ണത്തിലും മലയാളികൾ തന്നെയാണ് മുന്നിൽ എന്ന കാര്യം നമ്മുടെ കണ്ണുതുറപ്പിക്കേണ്ട വസ്തുത തന്നെ. ബുദ്ധിജീവികൾ എന്ന പേരുകേട്ട കേരളീയർ ശാരീരികാരോഗ്യകാര്യങ്ങളിൽ കൊടുക്കുന്ന പ്രാധാന്യം അവരുടെ മാനസികാരോഗ്യത്തിന് കൊടുക്കുന്നുണ്ടോ എന്ന ചോദ്യം മേലുദ്ധരിച്ച പ്രസ്താവനകളുടെ വെളിച്ചത്തിൽ അതീവ ഗൗരവമായി ആലോചിക്കേണ്ട വസ്തുതയാണ്. ഒരു മാനസികാരോഗ്യ ദിനം കൂടെ ആഗതമാകുമ്പോൾ നമ്മൾ അധികം ശ്രദ്ധിക്കാത്ത, എന്നാൽ ഏറ്റവും പ്രധാനപ്പെട്ട ചില കാര്യങ്ങളെപ്പറ്റി ചിന്തിക്കാം. മാനസികാരോഗ്യം കൈവരിക്കുവാൻ ഏറ്റവും പ്രധാനപ്പെട്ട ഒരു ഘടകം വൈകാരിക പക്വത കൈവരിക്കുകയെന്നത് തന്നെയാണ്. അകാരണമായി കോപിക്കുന്ന സ്വഭാവം, എല്ലാറ്റിനും മറ്റുള്ളവരെ കുറ്റപ്പെടുത്തുന്ന പ്രകൃതം, സ്വയം ന്യായീകരിക്കാനുള്ള പ്രവണത, മനുഷ്യരെ തമ്മിൽ താരതമ്യ...
Read more

രണ്ടായിരത്തി ഇരുപത്തിനാല് വിടവാങ്ങുമ്പോൾ ...

-
Image
             ര ണ്ടായിരത്തി ഇരുപത്തിനാല് എ ന്ന ഒരുവർഷം നമ്മോട് വിട പറയുന്നു. ചിന്തിക്കുവാനും, പ്രവർത്തിക്കുവാനും പുരോഗമിക്കുവാനും ഒത്തിരിയേറെ അവസരങ്ങൾ വച്ചു നീട്ടിയ ഈയൊരു  കൊല്ലത്തി ൻ്റെ  അവസാനത്തിലെത്തി നിൽക്കുമ്പോൾ നന്ദിയോടെ സർവേശ്വരൻ്റെ കൃപയ്ക്ക് മുമ്പിൽ ശിരസ്സ് നമിക്കുന്നതിനോടൊപ്പംത ന്നെ അവസാനിക്കുന്ന ഈ വർഷത്തിലെ നമ്മുടെ ജീവിതത്തെക്കുറിച്ച് ആത്മശോധന ചെയ്യുന്നത് ഉചിതമായിരിക്കും. അതിനുതകുന്ന ചില ചോദ്യങ്ങൾ താഴെ കൊടുക്കുന്നു.    ഞാൻ ഈ ഒരു വർഷക്കാലം കൊണ്ട് പൂർത്തിയാക്കിയ ഏറ്റവും വലിയ കാര്യം എന്താണ്? ഞാൻ ഏറ്റവും കൂടുതൽ പിന്തുടർന്ന മൂല്യം എന്താണ്?  ഞാൻ കൂടുതൽ കഴിവ് തെളിയിച്ച മേഖല?  ഞാനീ ഒരു വർഷക്കാലം കൊണ്ട് നേടിയെടുത്ത പുതിയ നല്ല സൗഹൃദങ്ങൾ ?  എ ൻ്റെ  ഈ വർഷത്തിലെ ഏറ്റവും വലിയ പരാജയം?  ഞാൻ തിരുത്താൻ ആഗ്രഹിക്കുന്ന കാര്യങ്ങൾ?  ഈ വർഷത്തിൽ എന്റെ സമയം ഞാൻ ഏറ്റവും കൂടുതൽ ചെലവഴിച്ച മേഖല?   ഈ വർഷം ഒരിക്കൽക്കൂടി പിന്നോട്ട് ചരിക്കാൻ എനിക്കായാൽ ഞാൻ എനിക്ക് തന്നെ നൽകുന്ന ഉപദേശം എന്തായിരിക്കും?  ...
Read more