രണ്ടായിരത്തി ഇരുപത്തിനാല് വിടവാങ്ങുമ്പോൾ ...
ര ണ്ടായിരത്തി ഇരുപത്തിനാല് എ ന്ന ഒരുവർഷം നമ്മോട് വിട പറയുന്നു. ചിന്തിക്കുവാനും, പ്രവർത്തിക്കുവാനും പുരോഗമിക്കുവാനും ഒത്തിരിയേറെ അവസരങ്ങൾ വച്ചു നീട്ടിയ ഈയൊരു കൊല്ലത്തി ൻ്റെ അവസാനത്തിലെത്തി നിൽക്കുമ്പോൾ നന്ദിയോടെ സർവേശ്വരൻ്റെ കൃപയ്ക്ക് മുമ്പിൽ ശിരസ്സ് നമിക്കുന്നതിനോടൊപ്പംത ന്നെ അവസാനിക്കുന്ന ഈ വർഷത്തിലെ നമ്മുടെ ജീവിതത്തെക്കുറിച്ച് ആത്മശോധന ചെയ്യുന്നത് ഉചിതമായിരിക്കും. അതിനുതകുന്ന ചില ചോദ്യങ്ങൾ താഴെ കൊടുക്കുന്നു. ഞാൻ ഈ ഒരു വർഷക്കാലം കൊണ്ട് പൂർത്തിയാക്കിയ ഏറ്റവും വലിയ കാര്യം എന്താണ്? ഞാൻ ഏറ്റവും കൂടുതൽ പിന്തുടർന്ന മൂല്യം എന്താണ്? ഞാൻ കൂടുതൽ കഴിവ് തെളിയിച്ച മേഖല? ഞാനീ ഒരു വർഷക്കാലം കൊണ്ട് നേടിയെടുത്ത പുതിയ നല്ല സൗഹൃദങ്ങൾ ? എ ൻ്റെ ഈ വർഷത്തിലെ ഏറ്റവും വലിയ പരാജയം? ഞാൻ തിരുത്താൻ ആഗ്രഹിക്കുന്ന കാര്യങ്ങൾ? ഈ വർഷത്തിൽ എന്റെ സമയം ഞാൻ ഏറ്റവും കൂടുതൽ ചെലവഴിച്ച മേഖല? ഈ വർഷം ഒരിക്കൽക്കൂടി പിന്നോട്ട് ചരിക്കാൻ എനിക്കായാൽ ഞാൻ എനിക്ക് തന്നെ നൽകുന്ന ഉപദേശം എന്തായിരിക്കും? ...